Gipuzkoako Foru Aldundiak eszena ikuskizunak sustatzeko eta saltzeko, eta arte eszenikoen alorrean sentsibilizazio, prestakuntza eta bitartekotza programak dituzten Gipuzkoako konpainia eszenikoei (antzerkia eta dantza) diru laguntzak emateko 2017 urteko deialdia argitaratu du.
Diru laguntzaren xede izango dira honako arloetako jarduerak:
- Eskatzaileak ekoitzitako eszena ikuskizunen (antzerkia eta/edo dantza) sustapen eta salmenta.
- Arte eszenikoen alorreko sentsibilizazio, prestakuntza edo bitartekaritza jarduerak Gipuzkoan.
Diru laguntzaren xede diren jarduerak deialdiak ezartzen duen urte naturalaren barnean burutu beharko dira, urtarrilaren 1etik abenduaren 31ra bitartean.
Deialdia 2017ko urriaren 25ean bukatuko da
