Hitzordua otsailaren 28an egin bagenuen ere, egun hartako elurteak astebetez atzeratu zuen bisita, eta gaur izan dugu Gipuzkoako Dantzagunean Peter Brown. Eresbilekin batera, Gipuzkoako dantzaren dokumentazioa osatzeko egiten dugun lanaren barruan, elkarrizketa bat egitera etorri da. Izan ere, Gipuzkoan dantza klasikoaren alorrean erreferentziazko pertsona da Peter Brown, Gipuzkoako dantzaren historiako gordailu bizietako bat. Donostiako Kontserbatorion hainbat urtez eman zituen klaseak, eta haren ikasle izandako asko gaur egungo gaur egungo akademia entzutetsunetako irakasleak dira. Hain zuzen ere, merezitako omenaldia jasoko du heldu den apirilaren 29an Donostiako Kursaal jauregian. Elkarrizketan jasotakoak atontzeko unea da orain, eta aurrerago argitaratuko ditugu han jasotakoak.
