2019ko Dantzan Bilakaren jardunaldiak Donostiako Tabakaleran izango dira urriaren 4, 5 eta 6ean. Urtetik urtera EAEko 3 hiriburuetatik egiten den txandakaketari segida emanez. Aurten sorkuntza koreografikoen proiektuak aurkeztuko dituzten partaideak hauek dira: Angela Millano, Almudena Pérez, Sara Paniagua, Ana Capilla, Tonatiuh Díaz, Andrés Alarcón, Koldo Arostegui, Lorea Ibarrondo eta Aiala Etxegarai. Eta ekintza paralelo moduan, Carolina Mendonçaren gidaritzapean hitzaldi bat eta tailer bat antolatu dira. Dantzan Bilaka 2019ko laguntza eta koordinazio taldea honakoek osatzen dute: Luciana Chieregati, Ion Munduate eta Asier Zabaleta eta kudeaketa ADDE: Euskal Herriko Dantza profesionalen Elkarteak egiten du. Programaren antolaketa taldea honako hauekin osatzen da; Javier Andraka (teknikari arduraduna), Camila Tellez (diseinatzaile grafikoa) Marian Gerrikabeitia (ikus-entzuneko errealizadorea). Edizio honetan Tabakaleraren eta Azkuna Zentroaren laguntza dute.
Informazioa: Tabakalera / ADDE / Kulturklik
