Dantzaren eta maskaraden historiak, eta dantza maisuen oroitzapenak
Hitzaldi dantzatu moduan abiatu zen Nundik Nora eta Dantzan Ikasi egitarauan berauz gozatzeko aukera izan genuen. Orain, ikuskizun bihurtu da, eta Jon Iruretagoienak gidaturik, maskaradetako hainbat dantzaren sorrera eta bilakaera historikoa aurkezten dizkigu modu erakargarri eta ikusgarrian. Zuberoako maskaradako dantzen hariari tiraka, XVII. mendetik abiatzen da Nundik nora ikuskizuna, Luis XIVren gorteko la bell danse abiapuntu hartuta, XVIII. mendeko kontra-dantzak, quadrillearen sorrera, Vestris eta Dupont bezalako dantza-maisuen ekarpenak, armadako ikasketak eta haien aztarnak gure dantzetan, eta Zuberoako dantzetan aurrekari horiek guztiek utzitako aztarnak azalaretzen ditu ikuskizun honetan Maritzuli konpainiak.
Jon Iruretagoienaren hitzezko azalpenak Jon berak eta hamabi dantzarik bertan dantzatuko dituzten piezekin osatuko dira, XVIII. mendeko quadrileak, fricasse, anglaise, gavotte (Vestrisena, adibidez) eta gabota (Zuberoakoa) besteak beste. Zuberoako maskaradetan ohikoak zaizkigun urrats eta dantzen aurrekariak agerian jarriko ditu ikuskizun honen, dantza horietaz gozatzeko parada eskaintzen duen aldi berean.
Sarrerak eta xehetasunak
- Ikuskizuna: Nundik Nora. Dantzaren eta maskaraden historiak, eta dantza maisuen oroitzapenak
- Konpainia: Maritzuli konpainia, Jon eta Claude Iruretagoiena.
- Noiz: 2014ko uztailaren 8an, asteartea, 20:30ean
- Non: Hondarribia, Itsas Etxea Auditoriuma - Matxin de Arzu 2
- Sarrerak: 3 € (Kutxabank bidez salgai eta Itsas Etxeko txarteldegian ikuskizuna baino 2 ordu lehenagotik)
- Ikuskizuna Dantzagunearen lankidetza du.
Informazio gehiago: http://www.dantzan.com/kidea/DantzanIkasi/maritzuli-ren-nundik-nora-ikuskizuna-hondarribian-uztailaren-8an
