Olatz de Andres-ek egonaldi artistiko bat egingo du Dantzagunean abuztuaren 17 eta 31 bitartean, Donostia 2016 Fundazioak, Dantzaguneak, Dantza Hirian-ek eta Zaragozako Trayectos dantza-jaialdiak gauzatu duten kolaborazio proiektuaren markoan.
Ekimen honen helburu nagusia da elkarlanerako loturak sortzea hiri ezberdinetako dantza-jaialdi eta artisten artean. Olatz de Andres-ek Zaragozako Tarde o Temprano Danza konpainiarekin egonaldi labur baten ondoren, Zaragozako Trayectos jaialdian aurketu zuen bere lana ekainean.
Dantzagunean abuztuan egingo duen egonaldiaren ondoren, emaitza irailean aurkeztuko dute Dantza Hirian jaialdian.
