Uztailean zehar egingo da, Donostia Kulturaren eta Gipuzkoako Dantzagunearen bitartekaritza eta antolakutza lanari esker, Donostia 2016ren Elkarrizketen barruan, Iratxe Ansa dantzariak eta koreografoak egiten duen Metamorphosis ikastaroa. Izatez, Metamorphosis Summer Course Residency dantza garaikide ikastaro trinko ibiltaria, eta Donostian egingo da 3. edizioa 2016ko uztailean. Aurreko edizioak Beijinen (2014) eta Mexiko Hirian (2015) egin ziren. Nazioarteko eta tokiko partaideak bilduko ditu ikastaroak; hiru asteko egonaldi trinko batean koreografia-sorkuntza bat egingo dute, eta haren emaitza Victoria Eugenian emango dute ekainaren 27an. Aurretik, eta sortu diren zenbait lankidetzaren ondorioz, emanaldiak egingo dituzte Guggenheim Bilbao, Tabakalera, Chillida-leku, eta San Telmo Museoan.
Iratxe Ansa dantzaria eta koreografoa da ekitaldi honen bultzatzailea eta burua. Mugimendua arakatzeko eta koreografia-sorkuntza ikertzera bideratutako ikastaroa da, nazioarte-mailan egindako ibilbide bikain batek bermatzen duen koreografo baten metodologian oinarritua. 11 herrialdetako 32 dantzari biltzen dituen prozesu honetan inprobisazio-prozesu zehatz bat landuko da, dantza garaikideko joera berrienak jorratuta. Amaieran Iratxe Ansaren zuzendaritza artistikopean ikuskizun eszeniko bat egingo da.
Egonaldi artistiko gisa planteatutako prozesu honen helburuak dira:
- Iratxe Ansarekin lan trinko bat egitea
- Mundu osotik etorritako dantzariak eta tokikoak elkartzea
- Koreografia-sorkuntza bat egitea
- Egindako lanaren emaitza publikoari aurkeztea zenbait antzokitan
- Kultur guneetan esku-hartzea (Encounter)
- Nazioarteko sortzaile eszenikoen arteko loturak sortzea
- Parte-hartzen duten dantzarien eta tokiko artisten arteko elkarlana sustatzea
- Munduko sorkuntza garaikideko erreferenteak ematea eta partaide bakoitzaren potentzial artistikoa garatzea
- Gisa honetako nazioarteko topaketen bidez, erakundeak eta instituzioak artea ikerketzeko eta esploratzeko baliabideak gehitzeko motibatzea
EGITARAUA
Uztailaren 4tik 26ra VICTORIA EUGENIA
- Workshopa eta koreografia-sorkuntza
Uztailaren 13a TABAKALERA
- Bideo-dantza erakustaldia eta performancea
- Z aretoa, 19:30
Uztailaren 16a SAN TELMO MUSEOA
- Metamorphosis Encounter
- 19:00
- Sarrera doakoa, museoko sarrerarekin batera
Uztailaren 22a GUGGENHEIM BILBAO
- Metamorphosis Encounter
- Atrioan, bi emanaldi (90 min.): 12:00 / 18:00
- Sarrera doakoa, museoko sarrerarekin batera
Uztailaren 27a VICTORIA EUGENIA
- Metamorphosis Summer Course Residency
- Egonaldi amaierako ikuskizuna, 20:00
- Oharra: Gonbidapenak antzokiko leihatilan egongo dira eskuragarri uztailaren 20tik aurrera.
Informazioa: Iratxe Ansa
