Eskualdatze balioa inorenganaketaren zenbateko erreala izango da, hau da, benetan ordaindu den diru-kopurua, beti ere merkatuko ohiko balioaren azpitik ez badago. Bestela, azken hau nagusituko da. Balio horri zergadunak izan dituen gastuak eta ordaindu dituen zergak kenduko zaizkio.

Eskualdaketak kostu gabekoak izan badira, eskualdatze balioa aurreko paragrafoan esandako eran kalkulatuko da, baina zenbateko errealtzat Oinordetza eta Dohaintzen gaineko Zergaren arauak aplikatzetik ateratzen dena hartuko da.

Gainerako ondare irabazi eta galerak kalkulatzeko, Pertsona Fisikoen Errentaren gaineko Zergari buruzko urtarrilaren 17ko 3/2014 Foru Arauak 47. artikuluan jasotzen dituen balorazio arau espezifikoak aplikatuko dira.