Eskuratze balioa (109-2011)

• Eskuratze balioa ondoko kontzeptuak batuz kalkulatuko da: erosketaren zenbateko erreala, erositako ondasunetan egindako inbertsio eta hobekuntzen kostua, eta erosleak erosketagatik izandako gastuak eta ordaindutako zergak, interesak sartu gabe. Zenbateko horri egindako amortizazioak kenduko zaizkio, eta, edozein kasutan, gutxieneko amortizazioa konputatuko da hala badagokio.

• Eskualdaketa kostu gabekoa izan bada, eskuratze balioa aurreko paragrafoan esandako eran kalkulatuko da, baina zenbateko errealtzat Oinordetza eta Dohaintzen gaineko Zergaren arauak aplikatzetik ateratzen dena hartuko da.

• Gainerako ondare irabazi eta galerak kalkulatzeko, lehen adierazi diren balorazio arau espezifikoak aplikatuko dira.

Eskuratze balioa eguneratzea

Ondasun edo eskubideak 2011an eskualdatu badira, jarraian adierazten diren eguneratze koefizienteak aplikatuz eguneratuko da eskuratze balioa, elementua ondarean egon den denbora kontuan hartuz:

Ondare elementua eskuratu den urtea	Eguneratze koefizientea
1994 eta aurrekoak	1,457
1995	1,548
1996	1,491
1997	1,457
1998	1,425
1999	1,386
2000	1,339
2001	1,289
2002	1,244
2003	1,210
2004	1,174
2005	1,137
2006	1,099
2007	1,069
2008	1,028
2009	1,024
2010	1,020
2011	1,000

Koefiziente horiek honela aplikatuko dira:

• Erosketaren benetako zenbatekoaren gainean, zer urtetan ordaindu diren kontuan hartuz.

• Inbertsio eta hobekuntzen gainean, zer urtetan ordaindu diren kontuan hartuz.

• Gastu eta zergen gainean, zer urtetan ordaindu diren kontuan hartuz.

• Amortizazioen gainean, haiei dagokien urtea kontuan hartuz.