Zenbait emanaldi berezi egin ostean, Kukaik azaroan estreinatuko du Erritu lana antzokietan. Erritu bizitzan zehar egindako bidaia bat da. Alegia, bizitzako faseak zeharkatzen ditu naturarekin eta komunitatearekin zerikusia duten pasabide-erritu indibidual eta kolektiboen bidez. Fase horiek jaiotzaren eta kaosaren artean dabiltza; tartean, bakardadearen mortutik pasatzen dira, eta elkartzera, maitasunera eta, azkenik, heriotzara iristen. Errituak zubi dira bi alderen artean: batetik, gure izate indibiduala –iraganak, orainak, gerorako promesek eta aukerek betetzen dutena– eta, bestetik, esperientzia kolektibo erritualizatua –hor da beti erreferentzia gisa, baina etengabe ari da higitzen eta aldatzen–, eta bi aldeon arteko loturen zentzua aurkitzen saiatzeko balio digute. Espiritualtasuna, samurtasuna eta norberaren erabakimena batera doaz bidaia horretan, zeina, azkenean, kolektiboa baita, baina pertsona kontzienteenen ibilbideen eraginpean.

Datak eta tokiak

• Urriak 31, Arriaga, Bilbo
• Azaroak 3 eta 4, Victoria Eugenia, Donostia 
• Azaroak 5, Casino, Biarritz
• Azaroak 9, Principal, Gasteiz
• Azaroak 10, Social, Basauri
• Informazio osoa: kukai.info

Informazioa: Kukai

Astelehena, 2018(e)ko urria(r)en 22-(e)an 13:14etan