ceberg konkista bati buruzko bidaia da. Ikustezina den horren bila abiatzen den bidaia epikoa, zeinetan esploratutako eta ibilitako bidearen isladabesterik ez dagoen. Helmuga lausoa izan arren eta noraezean, desorekatutaibili arren, bidean aurreraegin beharra dago. Iceberg lurralde desberdinak zeharkatzen dituen eremu geografikoa da, non barne ekaitzak, lurralde izoztuak eta sakoneko eremuak zeharkatzen diren, non sumendiak ere lehertzen diren. Myriam Pérez Cazabón koreografoaren eta Nagore Legarreta argazkilariaren arteko elkarlanerako gogotik eta elkarrizketatik abiatzen da Iceberg. Paisaiak gorpuztuz eta gorputzezko paisaiak eraikiz, bizipenez beteriko parajeen eta lurraldeen irudietatik koreografiak sortzeko helburuarekin, Iceberg bi disziplina artistiko hauen arteko hartu-emanerako gunea da, non, argazkilaritzaren iraunkortasuna osagarri bilakatzen den dantzaren iragankortasunerako.

• Data: maiatzaren 10a, ostirala
• Tokia: Nestor Basterretxea plaza, Donostia
• Ordutegia
  • 19:00 estreinaldia
  • 20:00 argazki-erakusketa inauguratzea 
• Sarrera: librea, aulki guztiak bete arte 
• Dirulaguntza: Eusko Jaurlaritza - Kultur saila
• Babesa eta elkarlana: Gipuzkoako Dantzagunea, Donostia Kultura

Ostirala, 2019(e)ko apirila(r)en 12-(e)an 13:52etan