Schubertiadak abiapuntutzat hartuta –hots, Vienako etxe batzuetan antolatzen ziren beilaldi informalak, non Franz Schuberten musika jotzen, poesia irakurtzen eta dantzan egiten baitzen–, Ai Dō Project dantza konpainiak, Musikene Euskal Herriko Goi-Mailako Musika Ikastegiko ikasleekin batera, dantza garaikideko pieza bat sortu du sei dantzarirentzat, konpositore austriarraren figuraren eta errepertorioaren inguruan: Schubert. Kontzertuaren lehen zatian, Musikeneko Septeto Kaiserin-ek Beethovenen Zazpikotea joko du. Kontzertuko bigarren zatian, Musikeneko ikasle diren Ignacio Araquistain-ek eta Jesús Cuesta-k, Mari Tere Balerdi gonbidatuarekin batera, Schubert konposagilearen 6 pieza labur joko dituzte. Bigarren zati honetan, Ai Dō Project dantza konpaniak emaldirako sortutako koreografia eskainiko du musikariekin batera.

• Data: maiatzaren 24a, ostirala
• Ordua: 20:00
• Tokia: Victoria Eugenia, Donostia (sarrera-salmenta)
• Prezioa: 10€

Kolaboratzaileak: Donostia Musika, Donostia Kultura, Donostia Musika, Gipuzkoako Dantzagunea, Musikene eta INAEM - CND Compañía Nacional de Danza.

Babeslea: Eusko Jaurlaritza

Osteguna, 2019(e)ko maiatza(r)en 09-(e)an 08:22etan