Dantza Hirian jaialdiak bere abenturarekin jarraitzen du Baiona-Donostia Euskal Eurohirian, bertako plazak eta kaleak dantza garaikidearen agerleku bilakatuz. Jaialdi ibiltari honek arte hori ikertu eta gizarte-kohesiorako tresna gisa hurbiltzen die herritarrei, mugaz haraindiko topagune eta eremu partekatu bat sortuz. Jaialdiaren 14. edizioan, irailaren 13tik 29ra, 7 udalerritan gauzatuko dira proposamenak: Irunen, Hendaian, Errenterian, Donostian, Pasaian, Baionan eta Hondarribian. Programazioa mota guztietako pertsonentzat dago pentsatuta, eta dantza garaikidean gora egiten ari diren artisten nahiz entzute handiko artisten azken joeren aldeko apustua egiten du. 15 konpainiek (horietatik 10 euskal koreografoenak) 18 eremu publiko beteko dituzte.

EGITARAUA

Informazioa: Dantza Hirian

Asteazkena, 2019(e)ko iraila(r)en 11-(e)an 11:45etan