Eusko Jaurlaritzak dantzako sorkuntza-prozesuak, produkzioak eta birak laguntzeko dirulaguntza-deialdiak irekita daude. Azken urteekin alderatuta, zenbait aldaketa egin dituzte Kultura Saileko ordezkariek, gaur egungo dantzaren sektoreko errealitateari egokitzea helburutzat hartuta. Eusko Jaurlaritzako arduradunek martxoaren 5ean azaldu zituzten aldaketon nondik norakoak Bilbon. Besteak beste, sormen prozesuetan esperimentazioa sustatzeko, produkzio eszenikorik gabeko sorkuntza koreografikorako lagunduko dira, eta produkziorako eta biretarako zenbait lerro aurreikusi dituzte, konpainien eta sortzaileen izaera anitzari egokitzeko.

• Kultura sorkuntza bultzatzeko diru-laguntzak: koreografia sorkuntza (martxoaren 17 arte)
• Produkzio eszenikorako dirulaguntzak: Produkzioak I eta banaketa (martxoaren 27 arte)
• Produkzio eszenikorako dirulaguntzak: Produkzioak II eta banaketa (martxoaren 27 arte)
• Produkzio eszenikorako dirulaguntzak: Jarduera bienala (martxoaren 27 arte)
• Produkzio eszenikorako dirulaguntzak: Hitzartutako zirkuitua duten proiektuak (martxoaren 27 arte)

Informazioa: Eusko Jaurlaritza

Astelehena, 2020(e)ko martxoa(r)en 02-(e)an 09:43etan