MugMus musika eta mugimenduaren laborategiak Zumaiako Oxford aretoan egonaldi artistiko bat egin berri du. Ekimena DSS2016EUko Mugalariak programaren bigarren ediziorako aukeratu direnetako bat da.

Mugalariak programaren xedea da sorkuntza-prozesuak sustatzea herritarrekin batera eta hezkuntza-sektorearekin, bereziki, bitartekaritza artistikorako hainbat jardueraren bitartez.

MugMus musika eta dantzaren arloko 5 artistek osatzen dute: Izaskun Lapaza, Beñat Raya, Iñar Sartre, Nagore Somoza eta Eneko Balerdi. Konpainiako kideek hainbat bitartekaritza jarduera egin dituzte egunotan Zumaian izan diren bitartean, esaterako 6 eta 16 urte bitartekoentzako tailerra eta lan-saioari ekin aurreko beroketa irekia.

Ostirala, 2015(e)ko abuztua(r)en 14-(e)an 12:00etan