Irailaren 19 eta 27 bitartean Gipuzkoako eta Lapurdiko hainbat hiri eta herritako kaleak hartuko ditu Dantza Hirian jaialdiak. Tartean izango dira Dantzagunean prestatutako hiru lan. Batetik, Dantza Hirian jaialdiarekin elkarlanean Dantzagunean bertan egindako Aterpean egonaldietan, Organik eta Rouge Elea konpainiek, hurrenez hurren, prestatutako Irrintzi eta Bleu egingo dira. Bestetik, Olatz de Andres eta Tarde o Temprano konpainiak elkarlanean aritu ziren Esfera lanaren atal bat prestatzen Dantzagunean. Kale paisaiak agertokitzat hartuta, gaur egungo dantza-programazioa eskainiko du Dantza Horian jalaldiak dohainik 10. edizio honetan. Bestalde, hainbat jarduera paralelo egiten dira, tailerrak edo master classak kasu, eta bi master class Dantzagunean egingo dira, irailaren 20an eta 27an.

Aste betean zehar Euskal Herriko zein kanpoko hamalau dantza konpainia ikusi ahal izango dira Dantza Hiriaren programaren baitan: Paula Quintana (Tenerife), Eneko Alcaraz (Hondarribia), Alberto Pardo eta Marcos Pardo (Zaragoga), Krego Martin danza konpainia (Bilbo), Lali Ayguadé (Bartzelona), Rouge Elea (Hendaia), El Punto danza teatro eta Fernando Lima (Sevilla), Olatz de Andres (Donostia) eta Tarde o temprano konpainia, La Kor ́sia (Madril), Organik (Getxo), Diego Sinniger (Bartzelona), Daniel Abreu (Tenerife), Lasala (Donostia) eta Physical Momentum Project (Mexiko-Bartzelona) hain zuzen ere.

Konpainien ikuskizunez gain 4 eta 12 urte bitarteko haurrentzako dantza tailerrak, master classak eta Begiradan argazki lehiaketa era martxan jarriko dituzte antolatzaileek. 

Dantza Hirian-ek gaur egungo dantza arkitekturarekin lotu eta jende artera zabaltzen du duela bederatzi urtetatik ona. Guztira 9 hiri, 152 hiri-paisaia, 125 dantza ordu, 72 dantza-konpainia eta 160 artista bildu ditu gaur arte.

Dantza Hirian 2015: programa

Astelehena, 2015(e)ko iraila(r)en 14-(e)an 11:34etan