Badator 2015-2016 sasoiko Atalakeko azken saioa. Saio berezia da heldu dena, aurreko bietan ez bezala, oraingoan Dantzazeko dantzarien sei sorkuntza aurkeztuko dira, bi emanalditan. Dantzazen izaerari jarraiki, dantzarien formazio profesional integrala osatzeko bidean, eta aurreko saioetan koreografo ezagunekin aritu ostean, oraingoan Dantzazeko dantzariak berak dira sorkuntza-lanean aritu direnak. Ezustez betetako emanaldiak izango dira, aurrez ez baita jakingo zein pieza eskainiko diren emanaldi bakoitzean. Pieza batzuetako jantziak AEG ikastetxeko “Neurrirako eta ikuskizunetarako jantziak” goi zikloko ikasleek diseinatu eta egin dituzte.

Datak:

• apirilaren 26a, asteartea
• apirilaren 27a, asteazkena

Saio bakoitzean hiru pieza aurkeztuko dira; emanaldia hasi arte ez da jakinaraziko zein diren

Tokia: SalaKlub, Donostia

Ordua: 21:00

Prezioa: 12€ sarrera-salmenta

Hauek dira sei piezak:

• Mayarra, Jone Amezaga. Garapenaren eta zibilizazioaren ingurukoa.
• Las flores y las abejas, Richard de Leyos. Ugalkortasuna gaitzat duen lana.
• Embuster@s, Nora Paneva. Errealitatea eta itxurak hizpide dituen koreografia.
• One16.5.18 4.1.25, Carmen Derré. Eguneroko emozioen gainean sortutako pieza.
• Luces y sombras, Josu Santamaria. Indarkeria eta nork bere burua zauritzea ditu mintzagai.
• La luna vino a la fragua, Paula Parra. Dantzaren bidez Federico Garcia Lorcaren unibertsoari eskainitako begiratua.

Informazioa: Dantzaz konpainia / Donostia Kultura

Asteartea, 2016(e)ko apirila(r)en 19-(e)an 12:57etan