Gipuzkoako Dantzagunean ari dira Ertza konpainiako kideak Hariak ikuskizun berriaren azken xehetasunak lantzen, Asier Zabaleta zuzendariaren eta koreografoaren gidaritzapean. Arte-diziplina ugari uztartzen dituen ikuskizuna da: Harkaitz Canoren eta Joseba Sarrionandiaren testuak, txotxongiloak, dantza, etab. Sorkuntza-prozesuaren beste fase batzuk ere garatu dituzten Gipuzkoako Dantzagunean, baita Tolosako Topic aretoan ere. Irailaren 17an euskaraz eta 18an espainolez estreinatuko dute Hariak Donostiako Gazteszena aretoan, eta dagoeneko salgai daude sarrerak Donostia Kulturaren webgunean. 

Datak eta ordutegia 

• Irailaren 17a, larunbata, espainolez, 20:00
• Irailaren 18, igandea, euskaraz, 20:00

Tokia: Gazteszena, Donostia

Prezioa: 10€ sarrera-salmenta

Sinopsia

Hariak istant batean bizitza osoa sostengatzen zioten hariak hautsi eta hutsetik hasi beharrean aurkitu den jendearen esperientziez osatutako antzezlan diziplina anitza da. Benetako jendearen benetako istorioak.

Askotan pausoz pauso, etxe bat adreiluz adreilu eraikitzen den bezala, nolabaiteko ziurtasuna ematen digun bizitza bat eraikitzen dugu, edozein momentutan dena pikutara joan daitekeela kontutan hartu gabe. Eta hain zuzen ere, dena hankaz gora jartzen den momentu zehatz horietan bakarrik ohartzen gara bizitzaren ahuleziaz.

Fitxa teknikoa

• Zuzendaria: Asier Zabaleta
• Dantzariak: Natalia de Miguel, Thiago Luiz Almeida, Caio Henrique de Souza, María Andres, Claudio Rojas
• Berezko testua: Harkaitz Cano (+ Joseba Sarrionaindiaren bi poema)
• Koreografia: Asier Zabaleta dantzarien laguntzaz
• Panpinen egileak: Dejabu panpin laborategia
• Argien diseinua: Junki Gonzalez
• Ahotsak: Asier Hernandez, Marga Altolagirre, Gorka Zubeldia, Dorleta Urretabizkaia, Sergio Nguema, Asier Zabaleta.
• Eszenografia: Pello Artola
• Musika:The Gateless Gate, Silent Strangers, Germanager, Kai Engel, Learning music, Nest, J.S.Bach
• Produkzioa: ERTZA
• Koprodukzioa: TOPIC Tolosako Nazioarteko Txotxongilo Zentroa, B.A.D. Bilbao Antzerki Dantza
• Laguntza: Eusko Jaurlaritzako Kultura Saila
• Banaketa: Isabel Jiménez (infinitaescena.com)

Informazioa: Ertza / Donostia Kultura

Asteazkena, 2016(e)ko abuztua(r)en 31-(e)an 11:49etan