Otsailaren 13tik 16ra egingo da Dantzagunean, Biarritzen eta Donostian Atalak XXIX, Dantzaklub proiektuaren hogeita bederatzigarren edizioa. Dantzaz konpainiaren proiektua da DantzaKlub, eta ehun lan koreografikotik gora aurkeztu dira 2008tik, konpainiako lantaldea osatzeko Europa osotik datozen dantzarien sorkuntzak eta ia euskal koreografo gehienen lanak uztartuta. 

Proiektu integral honen bitartez hainbat aukera zabaltzen ditu Dantzaz konpainiak: euskal koreografoek, konpainia batekin lan egiteko gonbidapena eginda, sorkuntza-prozesu bat egiteko aukera dute; Dantzazeko dantzariek koreorgafia bat sortzeko mikroprozesu batean hartzen dute parte; publikoak gertuko prozesu fresko bat jasotzen du (dagoeneko badago DantzaKlub jarraitzen duen publiko fidela); euskal sortzaileak bestelako arte-diziplinekin aritzen dira.

Gonbidatutako koreografoak: Fabio Lopez eta Marta Coronado

Datak

• Otsailaren 13a, entsegu irekia
• Otsailaren 16a: emanaldia Sala Klubean, Donostia - Informazioa eta sarrera-salmenta

Informazioa: Dantzaz / Donostia Kultura

Osteguna, 2017(e)ko urtarrila(r)en 26-(e)an 11:45etan