Quebeceko eta Gipuzkoako hainbat erakunderen elkarlanaren barruan, Louise Bedard koreografoa Tabakaleran hasi eta Gipuzkoako Dantzagunean jarraitu duen bi hilabeteko egonaldia amaitzen ari da Dantzaz konpainiarekin, eta egindako lanaren emaitza martxoaren 15ean erakutsiko du Errenteriako Niessen Kulturgunean egingo duen erakustaldi ireki batean. Iaz jarri zen martxan nazioarteko joan-etorriko ekimen hau, eta dagoeneko udazkenean Montrealen bi hilabeteko egonaldia egiteko deialdia irekita dago. Ibilbide luzea duen Bedardek Quebeceko urteko interprete onenaren saria jaso berri du.

• Data: martxoaren 15a, ostirala
• Tokia: Niessen Kulturgunea, Errenteria
• Ordua: 12:30
• Sarrera: librea, tokiak bete arte

Osteguna, 2019(e)ko otsaila(r)en 14-(e)an 10:17etan