Ziomara Hormaetxeren "Symbiosis" lana estreinatuko da Gazteszenan

Ziomara Hormaetxek datorren urriaren 19an estreinatuko du Symbiosis bere lan berria Egiako Gasteszenan. Eusko Jaurlaritzak koreografo berriei laguntzeko sortutako Dantzan Bilaka programaren barruan prestatu du Hormaetxek bere lan berria.

Ziomara Hormaetxe bilbotarra Bilbo eta Bartzelona artean aritzen da lanean. La Fundicion aretoan egonaldi bat egin berri du bere sorkuntza prestatzeko. Robert Jackson dantzariarekin aritu da elkarlanean egonaldi horretan.

Symbiosis iraganeko esperientzia bat kontatzeko beharretik sortutako lana da. Esperientzia hori artistikoki eta pertsonalki igarotako aldaketa garai bati lotuta dago, eta emozio onak eta ez hain onak nahasten ditu. Abiapuntutzat zenbait Symbiosis mota hartu eta mugimendu bihurtzen saiatu da Ziomara.

Musika egin du zineman eta antzerkian espezialista den Angel Illarramendi konpositore zarauztarrak. Horrez gain, Guillermo Saenzek prestatutako proiekzio bat ere badu Symbiosis lanak. Horren guztiaren helburua irudien eta gorputzaren mugimenduaren arteko elkarrekintza bilatzea da.

Sarrerak salgai daude Gazteszenaren webgunean.

Fitxa artistikoa

Zuzendaria: Ziomara Hormaetxe

Koreografia: Ziomara Hormaetxe, dantzariaren laguntzarekin

Dantzariak: Ziomara Hormaetxe, Robert Jackson

Jatorrizko musika: Rec_Overflow, Angel Illarramendik landua eta laburtua

Argiztapena: Javi Candela

Eszenografia: Patricia Sacristán

Argazkiak: Elssie Ansareo

Bideoa: Guillermo Sáenz

Jantziak: Jaime Mesa, Erika Santiago

Asteartea, 2014(e)ko urria(r)en 14-(e)an 13:41etan

2011 Kultura, Gazteria eta Kirol Departamentua - Gipuzkoako Foru Aldundia

Dantzagunea. Pelotari kalea, z/g (Niessen eraikina) 20100 Errenteria
Telefonoa: +34 943021624 dantzagunea@gipuzkoa.net www.dantzagunea.net